وجّه إمام عاشور، نجم خط وسط النادي الأهلي، رسالة مؤثرة إلى جماهير القلعة الحمراء، بعد تعرضه لإصابة قوية خلال مشاركته أمام إنتر ميامي الأمريكي، في افتتاح مشوار الفريق ببطولة كأس العالم للأندية 2025، المقامة حاليًا في الولايات المتحدة.

وأصيب عاشور في الدقائق الأولى من اللقاء، ليغادر الملعب متأثرًا بإصابته، وسط حالة من القلق داخل الجهاز الفني والجماهير، في ظل أهميته الكبيرة داخل التشكيل الأساسي للفريق.

وفي أول تعليق له بعد الإصابة، نشر اللاعب عبر حسابه الرسمي على موقع "إنستجرام" رسالة قال فيها:

"ما قدر الله لك فهو آت إليك، وما لم يقدره لك فلن يصيبك.. الحمد لله على كل شيء. الإصابة كانت صعبة، وجت في أول لحظات ليا في البطولة، وده قدر ربنا ولازم نرضى بيه".

وأضاف:"كان نفسي أكون موجود وأقاتل مع إخواتي في الملعب، بس دا نصيبي، ودلوقتي داخل أعمل العملية، وإن شاء الله أرجع أقوى".

وتابع:"الإحساس اللي جوايا دلوقتي مش سهل، بس اللي مخليني ثابت هو إيماني بدعمكم ودعواتكم. المرحلة دي محتاجة منكم تبقوا ورا كل لاعب في الفريق، سواء قديم أو جديد، كلهم بيلعبوا بقلبهم وبيحبوا النادي وبيخافوا عليه".

وختم رسالته قائلاً:"صدقوني دعمكم بيفرق جدًا، واللاعيبة مستنياكم زي ما دايمًا واقفين في ضهرنا".