كشف الحكم الدولي السابق محمد فاروق، عن كواليس ظهور بعض الحكام المصريين في لقاء تلفزيوني خلال تواجدهم في الإمارات، مؤكدًا أن الأمر تم دون موافقته.وقال فاروق، خلال ظهوره في بودكاست مع الإعلامي أحمد أسامة:"إبراهيم نور الدين كان مسافر الإمارات بيجهز الحكام، لكن أنا مكنتش موافق إن الحكام يطلعوا في لقاء تلفزيوني، ولما سألت إبراهيم نور الدين عن اللي حصل، قالي إنه استأذن مني، وده محصلش".وأضاف: "أنا قولتله أنت اللي ممكن تطلع مش الحكام، وكنت ناوي أرجعهم القاهرة، مستحيل أوافق على حاجة زي كده".واختتم فاروق حديثه: "الحكام على فكرة ملهمش ذنب، هما استأذنوا من إبراهيم نور الدين، وهو اللي وافق وقالهم إن محمد فاروق قال تمام".